A Saudi guy in his life

Archive for فبراير, 2007

نكتة الأسبوع

 

اثنين محششين في القطب الشمالي شافو واحد من أهل

الاسكيمو وسألوه: 

عندكم بنات بيض ؟

قال:لا

عندكم بنات سود؟

قال:لا

طيب عندكم بنات اسود وابيض؟

قال:لا

قال المحشش لخويه:

 

ماقلتلك اللي شفناه قبل شوي بطريق

هع هع هع

تحياتي

عبدالرحمن

أبي ريال

 

ريال سعودي

طول طفولتي المفعمة بالهبال المبطن بالشطانه ، كان يراودني حلم واحد أنا وكل ابناء جيلي خلال فترة المدرسة الابتدائية هو أن أبتزّ الوالد حفظه الله وآخذ منه ريال واخليه يوديني للبقاله.

 طبعا هذا لا يعني انتهاء المشوار ، حيث أنني يجب أن اطلع الشيب في راس راعي البقالة من كثر مااخذ كل شوي شي وارجعه واغير رأيي في اخر لحظة وهكذا لحد مايقولي بسرعة ولا طرتك واخذ اي شي واطلع واخذ شي ماكان في الحسبان.

السؤال اللي يحيرني ان أطفالنا الأعزاء صارو مبتزين من الطراز الأول أخوي الصغير الله يحفظه مثلا، باليالله تملا عينه الخمسة ريال واذا عطيته ريال شوي ويرميه علي ولا ياخذه بدون فرحة.هل ريالنا دج لهالدرجة وصار ببلاش؟ ولا عيالنا تجروا وتغيرو؟ ولا الريال شكله صار قديم؟ابي اعرف وش المشكلة

تحياتي

عبدالرحمن

 

لعنة البيتا

انظممت لموقع البلوقر بيتا منذ الشهرين وللاسف لم استطع كتابة موضوع واحد على الاقل بسبب المشاكل التي فيه ولم استطع ارجاع مدونتي للطريقة العادية
اعتذر للجميع عن الانقطاع وعن قريب سترون الجديد
تحياتي
عبدالرحمن