A Saudi guy in his life

Archive for يونيو, 2006

اشرب قبل لايحوس الطين صافيها


كثير مايطرح موضوع استخدام المياه والظمأ مع موضوع السياحة واقصد بالسياحة هي السياحة الحقيقة وليست سياحة بعض العربان التي لا تخلو من بعض التسدح على القهاوي العربية في الشوارع المشهوة والتشخيص بالبدل والفساتين وكل جديد
حقيقة مااقتادني الى بدأ الموضوع هي الصورة التي بالأعلى
الصورة هي عبارة عن براده من مياه الينابيع والانهار المنتشرة في اوروبا
حقيقة وجدت الكثير منهم خلال جولاتي في بعض الدول الاوروبية. ولعل الألذ على الاطلاق هي تلك الموجودة في النمسا وسويسرا واعتقد انها تأتي مباشرتا من جبال الالب الشهيرة حيث تذوب قممها الجليدية مكونتا انهارا جارية
السؤال المطروح للجميع هل لو وجدت احد البرادات مثل الموجودة في الصورة ، هل سوف تقوم بالشرب منها؟ ام سوف تمتنع؟ مع ذكر الاسباب
تحياتي
لورد بن سليت

ياسلام وياسلام الله ياحمام جرّ الالحان


خطر ببالي هذا السؤال الذي لا اعلم له اجابه سوى حب الشهرهانا من محبي الفن الشعبي الشعري المسمى “السامري والهجيني” اللي اشتهر في منطقة نجد، ولمن لا يعرف الفرق بين السامري والهجيني سأسرد بإيجاز تعريف كل منهما:
السامري هي قصيدة تردد بلحن معين مع الدفوف في الليل ولكل سامرية شيلتها ، والشيلة هي الإيقاع وتختلف بإختلاف المكان والقصيدة. وسميت بالسامري لأن الذي يغنيها يسمر بها في الليل.
الهجيني وهي مأخوذة من الهجن (البعارين). وهي القصائد الملحنه التي كانت تنشد فوق الهجن. وللهجيني شيلاته مثل ماللسامري مع الاختلاف في عدم استخدام الطبول والدفوف.
من أمثلة السامري:
يـــا الله الـيــوم يـــا رواف يــا ابــا الافــراج عـاونــي
خوفونـي وانـا مــا اخــاف واحسـب الضـلـع يزيـنـي
هـيـه يــا لايــم الـمـيـلاف مـا تشـوف الجـمـل حــن
لـيـت لــي بـكـرة مـيـلاف واحتلـبـهـا عــــن الــمــن
الـحـذايـا غــــدن رهــــاف والحـفـا يـرعــب الـجـنـي
يحسبني عمي ما اشوف يـتـقـي بالـنـخـل عــنــي
لابـــس ثـوبــه الـرفــراف واراديـــــــف يـهـبـلــنــي
ومن أمثلة الهجيني:
يا بنت يا ام العيـون السـود خوفـي مـن الله وحبيـنـي
يا بنت ما في الهوى منقود واهلـك مــا هـمـب داريــن
و امـا حصـل حـبـة بـركـود لا مـوت وانــت تشوفيـنـي
عموما سؤالي الذي ابحث عن اجابته لماذا يأتي احد المغنين (فلان من الناس) ويغني احدى السامريات بموسيقاه وتلحينه!
هل تعتقد أن من حقه أن يسلب لونا شعبيا لونه وشكله؟
بالنسبة لي أعتقد انه حب الشهره ومحاولة الظهور بمظهر المتمسك بالماضي ولو أن الشخص لا يمت بصلة لهذا الفن العريق.
تحياتي
لورد بن سليت

سعر الطقطقة

قصة قريتها وعجبتني
سفينه كبيره تعطلت مكينتها قاموا اصحاب السفينه باحضار خبراء علشان يصلحونها واحد ورا الثاني بس ما فيه نتيجة يعني ماعرفوا وش العله
قاموا و استدعوا لهم شايب قضى عمره من يوم كان شاب بتصليح السفن
جاء معه شنطه كبيره مليانه عدد و ادوات الشغل اول ما وصل على طول راح للمكينه يتفحصها بدقه من فوق لتحت وكان فيه اثنين من ملاك السفينه يتابعون الشايب و يتمنون ان يعرف العله
بعد ما خلص الرجال من تفحص المكينه راح لشنطة العدة وطلع مطرقة صغيره وطقطق بشويش على شي في المكينه شوي الا المكينه اشتغلت قام وحط المطرقه مكانها والمكينه صلحت

بعد اسبوع استلموا فاتوره من الشايب بعشرة الاف دولار قيمة الاصلاح
صارخوا الملاّك خير ان شاء الله ماسوا شي يستاهل هالقيمه
قاموا ارسلو له رساله يطلبون منه فاتوره مفصلة عن تكاليف الاصلاح

وش تتوقعون رد عليهم؟؟

ارسل لهم فاتوره كتب فيها تفاصيل التكاليف:

الطقطقه بالمطرقة 2$
معرفه وين تطقطق 9998 $

ياخطوط واصلي

أمر ملكي بإعفاء البكر بناءا على طلبه وتعيين المهندس خالد الملحم مديرا عاما للخطوط السعودية على المرتبة الممتازة
كم افرحني هذا القرار الحكيم ، طبعا للي يخفى عليه السبب. السبب هو قرب موعد تخصيص الخطوط السعودية وإدارة الشركات الحكومية المتحولة للخصخصة ليست من المهمات السهلة
ماأتمناه ان يحصل عملية تصفية شاملة لموظفي اللطش والنصب وتوقف عمليات الحجوزات الملغية وعمليات الاوفر بوكينج
كذلك قريبا سنرى الخطوط السعودية بمركزها الرئيسي في الرياض
وتغييرات شاملة في الإدارة العليا
نقل مركز الحجز RC
وفق الله ابو متعب وعساك على القوة
تحياتي

من زين الرسايل

أهلين وسهلين بقرائي الأفاضل
اليوم بسرد لكم قصة قريتها وحبيت اشاركم فيها وعساها تعجبكم
أكثركم يعرف محلات الكتب المستعملة اللي في الرياض..
طيب تعرفون ذاك اللي وأنت رايح لــ …يجيك على اليمين؟
أقصد مكتبة الكتاب المستعمل اللي لوحتها …… يا شيخ اللي على طريق ….
المهم السالفة إن المكتبة ذي تبيع الكتب رخيصة ..!!! رحت لها وشريت لي كتاب وكان عندي اختبار له في اليوم الثاني.. (هذي طريقتي في الاختبارات).. المهم فتحت الكتاب
فتحت الصفحة البيضاء اللي بعد الغلاف لقيتها مكتوبة بقلم حبر ناشف، واضح إنه مكروف لين قال آمين، المهم. .الكتاب طلع لبنت قبل ما تبيعه (يا عمري توها زانت المذاكرة) والغريب إنها كاتبة الكلام هذا: (أنا أدري إنك أول ما تقرا الورقة ذي بتنهبل، بس خلّني أقول لك شي.. أنا صراحة مثلك في الكلية ومقهورة.. ما كتبت هالكلام إلاّ من القهر.. وعندي إحساس إنك بتقدّر ظروفي كونك مثلي عايش نفس الأجواء الحين)!! وقامت تسب في دكتورة اسمها …. !! وبعد ما شبعت من سبّها.. قالت: (وعموماً فرصة سعيدة جداً إني تعرفت عليك، وأشكرك على قراءة كلماتي بس والله ما كتبت إلاّ من الطفش -عموماً- أنا فضولية شوي.. ممكن بعد ماتخلّص من الكتاب.. تكتب لي على الوجه الثاني ردّك لي.. ورجعه وأنا بقرا ردّك.. وإن شاء الله إني أبي أجي أشتريه في تاريخ كذا كذا )
ناظرت في التاريخ.. لقيته بكره !!!!!؟
ياساتر وش أسوّي؟ طيب أنا ما ذاكرت.. وش ذا الحظ؟ المهم إني خقيت (يعني رحت وطي)..وقررت إني أكتب لها الرد وبرجّعه.. بس قبل كل هذا رحت وصورت الفصول اللي داخله بالاختبار عشان اذاكر
ضبطت لها رد محترم
قلت لها: ترى أبي أشتريه عقب أسبووع.. ورحت أرجعه.. وفعلا رجعته وشراه الزوووول مني بنص السعر
اليوم الثاني بالليل رحت للمحل لقيته الكتاب مباع سألت الـزووول : الكتاب اللي شريته منك أمس وينه؟ قال: امبارح اجتبنت وشالته!! وانا اللي تنفتح كشرتي لين وصلت اذانيالمهم أخذت أنا ويّاها الله لا يقردنا ثلاثة أشهر وحنّا شارين الكتاب بايعين الكتاب.. والمستفيد الـمحل حق الكتاب المستعمل..
لا وبعد صار ما يحطّه في الدرج.. خلاص فهم علينا وصار يخليه عنده على الطاولة ويسلمه لي أو لها أول ما نجي..
مررررررت الأيام وجيت مرة قلت للـزوول وين الكتاب؟ قال: ما أدري امبارح جاء راجل أخذ الكتاب.. قلت: يا ابن الحلال قل غير هالكلام الكتاب قديم ومعفّن وأوراقه نصها كتابات.. قال: آآآآآي عليك الله أخدوه الزول الكتاب الأصفر..المهم طلعت وركبت السيارة.. ويوم وصلت الإشارة قلت: لحظة يا رجال، الـ….. الحين يقول الكتاب الأصفر.. يا خي هوأحمر أصلا مهوب أصفر..المهم ديورت بسرعة ودخلت المحل بسررررعة.. تتوقعون وش شفت؟!!! لقيت الزووووووول ابن اللذين ماسك كتابي الأحمر وقاعد يكتب الرسالة اللي أنتظرها في صفحة من الصفحاااات !!!!!!!!
خلاصة القصة
لا تصير انسان خفيف واثقل الله يصلحك
تحياتي